Nú verða sagðar fréttir...!

Jæja nú er búið að hafa upp á nánast öllum krökkunum.

Planið er að hittast í gamla skólanum okkar og skoða hann undir leiðsögn Gauju gangavarðar.  Rifjum upp gamlar og góðar minningar, förum í brennó, kíló og aðra leiki ef veður leyfir.

Eftir það förum við út í Hafnir þar sem við leggjum minningarplatta á leiðið hans Sigurbergs.  En í ár eru 20 ár liðin síðan vinur okkar féll frá.

PÁSA...

Um kvöldið hittumst við að sjálfsögðu aftur yfir kvöldverði í Framsóknarsalnum við Hafnargötuna og skemmtum okkur saman fram á nótt. 

Eftirlýstir eru: Björgvin og Halldór (ekki samt Bo), þeir sem hafa einhverjar upplýsingar um þessa ungu herra eru vinsamlegast beðnir um að koma þeim á [e-mail]

Við auglýsum eftir sniðugum skemmtikröftum og hugmyndum af leikjum.

Síðast en ekki síst óskum við eftir einhverjum snillingi til að græja tónlistina.

Áætlaður kostnaður fyrir kvöldið verður 3500 kr. á mann (verð fer eftir mætingu). Innifalið í verði er: Minningarplatti, matur og leiga á sal og annað sem til fellur.

Við reiknum að sjálfsögðu með að sjá ykkur öll, en biðjum ykkur samt um að staðfesta mætingu fyrir 31.mars á [e-mail]

Stundaskrá og banka upplýsingar koma á næstu dögum  

Skemmtinefndin: Berglind, Björg, Krissa og Hrafnhildur

Athugasemdir

[Vilbert Gústafsson (IP-tala skráð) 14.3.2007 kl. 09:29]

Hæ stelpur, þetta er frábært framtak hjá ykkur. Skemmtilegar myndir hehe. Eru þið virkilega búnar að hafa upp á öllum nema Dóra og Bjögga ? Það er ótrúlegt afrek. Hlakka til þess að hitta ykkur 5 maí. 

[Silja Dögg (IP-tala skráð) 14.3.2007 kl. 17:24]

Ég veit að Birna hitti Halldór sl. sumar þegar hún var tékka inn, uppi á flugstöð. Hann sagðist búa í Bandaríkjunum, eiga þar konu, börn og fyrirtæki. Bara að gera það gott strákurinn. Meira veit ég ekki...