Hugrenningar BEGGU ;)

djö... hvað ég hlakka til að hitta ykkur:)

Það hefur verið ferlega skemmtilegt að plana þetta allt saman, minningarnar hrannast upp....

Grunnskólinn var frábær tími. Munið þið hvað við vorum klikkuð þegar við vorum í 3.bekk;)

Þegar við fórum í frímínútum niður í fjöruna, klifruðum upp í klettana og fengum yfir okkur brimið

og urðum alveg brjálaðslega reið yfir því að okkur var bannað að fara þangað aftur.

Hver man eftir honum Kermit ofan af vellinum sem fór með okkur í leiki á stóratúninu.

Einhver MAMMA klagaði og hafði okkur af þeirri skemmtun, ..........Það var alltaf verið að skemma alla gleði;(      Hver var það sem planaði það að bögga Guðjón klikk einn morgunin þegar hann var veikur og spurðum hann hvaða jógúrt honum þætti best! hehehe.

Við vorum ÆÐI.

5 Dagar...

Aaalllt að gerast,,, eru ekki allir í stuði???  því það styttist í gleðina!!!

Erum byrjaðar að hita upp enda bara 5 dagar til stefnu!!!

Undirbúningurinn næstum búinn, erum að fínpússa tónlistina,,, Rock me Amadeus, White wedding, Like a virgin, Wild boys, DA DA DA!!! Nefndin greinilega komin í Fjörheimagírinn.

Vinsamlegast sendið mail á [e-mail] þegar þið eruð búin að leggja inn, því heimabankinn hennar Krissu er víst í einhverju FOCKI

Fylgist spennt með á morgun því þá koma fleiri myndir inn  

Begga, Björg, Krissa og Debbý.

PS: Eyvi hvað var uppáhaldslagið þitt ? En þitt Fribba ? Magga mannstu Summer of 69   Duran Duran best, Wham vest!

Nú styttist í það!!!

nú eru bara 8 dagar til stefnu og allir að deyja úr spenningi!! 

 En það er víst komið að skuldadögum og viljum við biðja ykkur að leggja inná reikningsnúmer 1191-05-422273 kt: 100373-4409 fyrir fimmtudag í næstu viku.  Það eru 3.500 kr. fyrir kvöldið og svo 1.000 fyrir minningarplattann.

Þeir sem ekki sjá sér fært að djamma með okkur þann 5 Maí en vilja vera með í plattanum, endilega bara leggja inn 1.000 kr og setja nafn í skýringar. 

Planið þann 5 Maí: 

1. Hittast kl 14.00 við Vallabakarí og fara inní Hafnir á leiðið hans Sigurbergs.  Endilega komið með rauða rós til að leggja á leiðið ef þið viljið.
2. Svo förum við á gamlar slóðir og rifjum upp villingatímann í skólanum kl 15.00 og kannksi testum þolið í leikjum sem við þorum bara að hugsa um í dag en ekki að prufa.  
3. Eftir það er pása til að gera sig hrikalega sætann fyrir kl. 19.00
4. KL. 19.00 tekur við gleði og glaumur á Flughótelinu (ekki vitlaust að lauma vasapelanum með,,, gamli Stapafílingurinn því það er Bergásball þetta kvöld!!!)

GLEÐILEGA PÁSKA !

Við óskum ykkur öllum kæru bekkjarfélagar, gleðilegra páska. 

Nefndin er í smá páskafríi en fer á fullt í næstu viku. Þá munum við ganga frá endanlegri dagsskrá og vonandi verður hún sett hérna inn sem fyrst, ásamt kostnaði.

Það eru nokkrir aðilar búnir að koma fleiri myndum til mín, þeim verður skellt inn við fyrsta tækifæri

HK

Myndirnar komnar inn...

...góða skemmtun.

Þið munið svo að láta vita fyrir 31.mars hvort þið komið ekki 5.maí.  Þurfum að geta áætlað verð og fleira, sem fer eftir mætingu.

Nokkrir eru uppteknir þennann dag við laxveiði, brúðkaup og fleira sem var löngu skipulagt þennann dag.  Þið eruð að sjálfsögðu velkomin síðar um kvöldið.  Látið bara vita af ykkur.  Öllum er að sjálfsögðu velkomið að vera með í minningarplatta sem lagður verður á leiðið hans Sigurbergs, hvort sem þið mætið eða ekki.

Knús Hrafnhildur

Fleiri myndir á leiðinni...

Allt að gerast, fleiri myndir væntanlegar .  Fékk lánaðar myndir í Njarðvíkurskóla, verða vonandi komnar hingað inn á morgun.  Fylgist með í Bekkjarmyndir, Úr safni skólans og Hátíðarmálsverður 9.bekkjar albúmunum.

Kveðja, Hrafnhildur.

Svona er ég í dag - Bloggvinir

Stöllurnar Krissa, Björg og Gugga eru þegar búnar að senda inn myndir í "Svona er ég í dag" albúmið.

Gasalega myndarlegar stelpur, sé það strax að keppnin verður hörð í myndaleiknum.  Endilega kommentið á myndirnar því þið hafið áhrif á úrslitin.

Hérna til hliðar er kominn dálkur sem heitir "Bloggvinir", þar er hægt að finna síðuna hans Eyva, endilega kíkið á hann.  Nú og ef fleiri vilja bætast í hópinn þá er bara að láta vita af sér.

Ég kann nú ekki mikið á þetta en held samt að til að gerast bloggvinur þá verði bloggið að vera á blog.is.  Silja Dögg er ekki með sitt blogg þar, en ef þið klikkið á hennar nafn á mætingarlistanum þá komist þið inn á síðuna hennar. Leyniorðið er í gestabókinni...

knús á línuna, Hrafnhildur

Villa í albúmum!

Sumir eru að lenda í vandræðum með að komast inn í albúmin okkar.  Ef þið fáið upp villu síðu, þá er linkur þar neðst sem kemur ykkur áfram í albúmin.  Smá krókaleið en virkar. 

Margir eru búnir að hafa samband og eru að spá í að koma, endilega staðfestið komu ykkar sem fyrst.

Kveðja,

Hrafnhildur

Myndir !

Jæja nú er um að gera og grafa upp gömlu fermingarmyndina eða bara mynd frá 1987.  Veitt verða vegleg verðlaun fyrir "flottasta" hárið eða "flottustu" fötin

Eins væri gaman að fá mynd af ykkur í dag, aldrei að vita nema það verði einnig veitt verðlaun fyrir mestu/minnstu breytinguna

Þeir sem kommenta eru dómarar...

HK.

Nú verða sagðar fréttir...!

Jæja nú er búið að hafa upp á nánast öllum krökkunum.

Planið er að hittast í gamla skólanum okkar og skoða hann undir leiðsögn Gauju gangavarðar.  Rifjum upp gamlar og góðar minningar, förum í brennó, kíló og aðra leiki ef veður leyfir.

Eftir það förum við út í Hafnir þar sem við leggjum minningarplatta á leiðið hans Sigurbergs.  En í ár eru 20 ár liðin síðan vinur okkar féll frá.

PÁSA...

Um kvöldið hittumst við að sjálfsögðu aftur yfir kvöldverði í Framsóknarsalnum við Hafnargötuna og skemmtum okkur saman fram á nótt. 

Eftirlýstir eru: Björgvin og Halldór (ekki samt Bo), þeir sem hafa einhverjar upplýsingar um þessa ungu herra eru vinsamlegast beðnir um að koma þeim á [e-mail]

Við auglýsum eftir sniðugum skemmtikröftum og hugmyndum af leikjum.

Síðast en ekki síst óskum við eftir einhverjum snillingi til að græja tónlistina.

Áætlaður kostnaður fyrir kvöldið verður 3500 kr. á mann (verð fer eftir mætingu). Innifalið í verði er: Minningarplatti, matur og leiga á sal og annað sem til fellur.

Við reiknum að sjálfsögðu með að sjá ykkur öll, en biðjum ykkur samt um að staðfesta mætingu fyrir 31.mars á [e-mail]

Stundaskrá og banka upplýsingar koma á næstu dögum  

Skemmtinefndin: Berglind, Björg, Krissa og Hrafnhildur